أثارت المطربة الشابة زيزي عادل الجدل عبر مواقع التواصل الاجتماعي، بعد قرارها اعتزال الغناء تماما، مؤكدة أنه بالرغم من كونه مصدر رزقها الوحيد لكنها قررت الاعتزال.
وأكدت زيزي، في فيديو عبر حسابها على "إنستغرام"، أنها خلال الفترة الماضية التزمت المنزل، وتقربت من الله ومن القرآن، واقتنعت بأن الدين يرشدها للالتزام، وخرجت على الجمهور وهي غير محجبة.وأوضحت أنها خلال الفترة الماضية كانت في عدة اختبارات لاستكمال طريقها أولا، ولكنها في النهاية قررت الاعتزال عن اقتناع تام، مؤكدة أنها عادت للدائرة المقربة منها ودعمتها بشدة في قراراتها.ونرصد عدد من المعلومات عن المطربة زيزي عادل بعد قرار اعتزالها الغناء :

1 - كانت بدايتها الفنية مع برنامج المسابقات "ستار أكاديمي 2" عام 2004
2 - أصدرت أول ألبوماتها بعنوان "واحدة طيبة" عام 2007 مع روتانا
3 - أصدرت ألبومها الثاني "وعد عليا" عام 2009
4 - قدمت عددا من الكليبات المصورة التى نالت اعجاب الكثيرين منها "حب مش محسوب عليا"، "وعد عليا"، و"واحدة تانية" التي حققت نجاحا كبيرا وهي من ألحان تامر عاشور.
5 - قامت بتلحين عدد من أغانيها بنفسها.
6 - قدمت عددا من الاغانى الشهيرة في مشوارها الغنائى منها أغنية "الرجالة" عام 2019، وقدمت عدة اغانى من تلحينها

وكانت الفنانة زيزى عادل قد أعلنت اعتزال مهنة الغناء بعد التفكير في الأمر ودعم من بعض الأشخاص القريبين منها، حيث نشرت زيزى عادل فيديو عبر حسابها الشخصى على "إنستجرام"، قالت خلاله: "أنا النهاردة طالعة أقول خبر مهم أخدته في حياتى وهو قرار اعتزالى".
وأضافت زيزى عادل: "قررت أسيب مهنة المطربة، والقرار أنا مخدتهوش امبارح أنا وخداه من فترة كبيرة جدا، بس يمكن مطلعتش قلت وقتها لأنى كنت حابة أتكلم مع نفسى ومع الناس القريبة أوى".
وتابعت: "الناس القريبة منى عارفين نفسهم ولما قلتلهم على القرار شجعونى ودعمونى كمان، ويمكن قرار الاعتزال ده بيبعدنى عن أكتر مغريات الحياة وهى الشهرة والأضواء".

واستطردت: "أنا ببعد عن الفن عشان بقرب من ربنا، والفترة اللى فاتت قربت من ربنا جدا، ولقيت ان القرآن بيقولى إنى لازم أكون ست ملتزمة، وبحاول على قد ما بقدر أكون ملتزمة وهتستغربوا شوية انى طالعة بشعرى ومش محجبة، ويمكن ده لأنى لسه ربنا لم ينعم عليا بالحجاب، وبدعى ربنا يتممها عليا، وكل حاجة بتيجى خطوة خطوة ومفيش حاجة بتيجى مرة واحدة".
وأشارت إلى أن الفن مصدر دخلها قائلة: "أنا عاوزة أقول كمان الفن هو مصدر دخلى ورزقى، وأنا بسيب حاجة بعيش منها وسيبتها وعارفة إن ربنا هيرزقنى، وأنا راضية جدا عن قرارى ومبسوطة جدا بيه وحابة اللى جاى جدا وحاسة إن حياتى اختلفت تماما".

وأضافت: "يمكن لما أخدت القرار تعرضت لمواقف واللى تسمى اختبار من ربنا وكان اختبار صعب والإنسان ضعيف، لأن جالى عرض مجاليش وأنا بمارس مهنة الغناء، ولكن الحمد لله ربنا كرمنا وقدرت أرفض من دعم من ناس حواليا".
وتابعت: "أنا مش عاوزة أدخل في حتة إن الفن حلال والفن حرام، عشان مبقاش طالعة إنى داعية أنا طالعة بتكلم عن نفسى، وإنى بطلت أغنى ودينى بيقولى كده وكل واحد حر في حياته".

واختتمت حديثها: "أنا حابة أموت وربنا راضى عنى ويمكن دى حاجة كلنا بنتمناها، فأنا مش عارفة هاموت امتى ولكن كل اللى عوزاه أكون مستعدة لمقابلة ربنا وأقابله وأنا راضية عن نفسى وحياتى وأفعالى، والحمد لله ربنا كرمنى والتزمت، وربنا يكرم التزم اكتر وادعولى ان ربنا يثبتنى على اللى انا فيه".

زيزي عادل توجه رسالة لوالدها الراحل  
شاركت  الفنانة المعتزلة زيزي عادل، متابعيها بصورة جمعتها بوالدها الراحل،  معبرة عن حزنها الشديد لفقدانه، وسعادته حاليًا بأخذ قرار الاعتزال الذي أعلنته مؤخرًا.
وكتبت زيزي عادل عبر حسابها الشخصي على إنستجرام: كان نفسي تكون موجود يا حبيبي وتفرح لي، وتدعيلي، زي كل الناس ما دعت لي، وأشوفك وأنت مبسوط، وبتتباهى بيا قدام الناس، وأنا سالت وعرفت إنك دلوقت بتتباهى بيا بين الأموات، وطول ما أنا ربنا راضي عني، وببعد عن أي فعل يغضبه؛ فأنا بخير، طول ما أنت بخير يا حبيبي.
وتابعت زيزي عادل: عارفة إني شيلت من عليك حِمل كبير، و10 سنين من غير ما أشوفك، وحشتني، وحشني أسمع صوتك، وأتكلم معاك، ربنا يرحمك ويغفر لك ويعفو عنك يا حبيبي يا بابا، إلى أن نلتقي في الجنة بإذن الله، أرجو الدعاء لأبي في هذه الأيام المباركة، فضلًا وليس أمرًا.